Клуб матбуот хизматининг ижтимоий тармоқдаги расмий саҳифаси орқали хабар қилишича, жамоага ижара асосида «Ал Аҳли»дан ҳужумкор яримҳимоячи Энцо Мийо ва «Ал Ҳилол» ҳужумчиси Дарвин Нунес келиб қўшилди.
Ҳар икки футболчи ўтган ёз Саудия Арабистонига кўчиб ўтган. Ундан аввал Нуньес Англиянинг «Ливерпул» клубида, Мийо — Германиянинг «Штутгарт» жамоасида тўп тепган.
Аввалроқ Про-Лига дебютанти уругвайликни ижара бўйича келишувга эришганига қарамай, «Трабзонспор»дан илиб кетгани ҳақида хабар қилинган эди.
Маълумот учун, 2026/2027-йилги мавсумнинг икки ўйинида жамоа 3 очко тўплади: 1-турда «Ал Аҳли»га (0:1) ютқазиб, 2-турда эса «Ал Ҳазм» клубини (1:0) мағлубиятга учратди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади