«Пари Сен-Жермен» испаниялик ҳужумчи Ферран Торрес билан шахсий шартнома бўйича оғзаки келишувга эришилгани ҳақида «Барселона»ни расман хабардор қилди. Бу ҳақда машҳур журналист ва инсайдер Фабрицио Романо ўзининг Х ижтимоий тармоғидаги саҳифасида хабар берди.
Манба маълумотларига кўра, «ПСЖ» «Барселона»га тез орада Ферран трансфери бўйича расмий таклиф юборишини маълум қилган.
Аввалроқ, француз клуби сўнгги жаҳон чемпионати финалида ҳал қилувчи гол муаллифини каталонияликлардан тахминан 50 миллион еврога сотиб олиши хабар қилинганди. Футболчининг ўзи билан 4 йиллик шартнома бўйича келишувга эришилган.
Эслатиб ўтамиз, ЖЧ-2026 финалида Аргентина дарвозасига урилган ягона голга муаллифлик қилган Ферран Торрес 2022 йилнинг январ ойидан буён «Барселона» сафида тўп тепиб келмоқда. Каталонияликлар сафида у Испанияда еттита совринни қўлга киритди. Футболчининг «Барселона» билан амалдаги шартномаси 2027 йилнинг ёзигача мўлжалланган.
Transfermarkt портали футболчининг актуал трансфер нархини 50 миллион еврога баҳоламоқда.
