Франциялик ҳужумчи Килиан Мбаппе Ла Лига доирасида «Реал Оведо» устидан (2:0) ғалаба қозонилгач, матбуотда бир нечта шов-шувли баёнотлар берди.
Мбаппенинг сўзларига кўра, Алваро Арбелоа унга «Реал» рўйхатида фақат тўртинчи ҳужумчи эканлигини айтган. «Қироллик клуби»нинг ҳозирги мураббийи кейинроқ бундай гапларни айтмаганлигини таъкидлади. Умуман олганда, Мбаппе атрофида тинчлик йўқолган – аввалги ўйинда мухлислар ҳам унга нисбатан ҳуштакбозлик қилишганди.
The Touchline нашрининг хабарига кўра, Мбаппенинг сўзларидан кейин клуб президенти Флорентино Перес футболчи билан шахсан учрашув ўтказишга қарор қилган.
Шу билан бирга, сўнгги пайтларда Мбаппе жамоадан узоқлашиб кетгани таъкидланмоқда – бошқа футболчилар юлдуз ҳужумчининг бундай ҳаракатини тушунмаяпти.
