Саудия Арабистонининг «Ал Аҳли» ҳужумчиси Айвен Тоуни Англия Премер-лигасига қайтиши мумкин. Бу ҳақда инсайдер Экрем Конур хабар берди.
Манбага кўра, «Нюкасл» клуби 30 ёшли футболчига жиддий қизиқмоқда. «Қарғалар» январ ойидаги трансфер ойнасида Тоунини ўз сафига қўшиб олишга уриниб кўриши мумкин. Футболчининг трансфер қиймати 20 миллион евро атрофида баҳоланмоқда.
Маълумот учун, Айвен 2024 йилдан буён Саудия Арабистони клубида ўйнаб келмоқда. Унинг амалдаги шартномаси 2028 йил июн ойининг охирига қадар тузилган.
Форвард Саудия чемпионатига йўл олишидан аввалроқ «Брентфорд», «Уиган» ва «Барнсли» жамоаларида ўйнаган. Шунингдек, у 2015-2018 йилларда «Нюкасл»да ўйнаган.
Бу мавсумда Тоуни Саудия Арабистони чемпионатида 9 та учрашувда майдонга тушиб, 12 та гол урган.
