«Ноттингем Форест» марказий яримҳимоячиси Эллиот Андерсон яқин вақтлар ичида собиқ жамоаси — «Ньюкасл»га қайтиши мумкин. Бу ҳақда Football Insider нашри хабар бермоқда.
Манбага кўра, «ҳаккалар» ўз академияси тарбияланувчисини қайтариб олиш ниятида. Андерсон 2024 йилда молиявий фейр-плей қоидалари туфайли клубни тарк этган эди.
«Ньюкасл» бош мураббийи Эдди Хау ҳам ўша пайтда футболчининг сотилишида норози бўлганини тан олган.
Маълумот учун, 22 ёшли яримҳимоячи жорий мавсум барча турнирларда 9 та ўйинда майдонга тушиб, битта голга ассистентлик қилди. Унинг Трансфермаркгдаги нархи 32 миллион еврога баҳоланмоқда.
