«Брентфорд» ҳужумчиси Игор Тияго «Ноттингҳем Форест» сафига кўчиб ўтиши мумкин. Бу ҳақда журналист Руди Галетти хабар бермоқда.
Манбанинг маълумотларига кўра, «ўрмончилар» Тияго учун 82 миллион евролик таклиф юборган. Бразилиялик футболчининг «Брентфорд» билан узоқ муддатли шартномаси бор, бироқ кўплаб клублар томонидан жиддий қизиқиш билдирилаётгани туфайли унинг трансфери амалга ошиши мумкин.
25 ёшли Тияго «Тоттенҳэм»га қарши ўйинда «Брентфорд»нинг асосий таркибида майдонга тушди. Жамоасининг 3:0 ҳисобидаги йирик ғалабасига қарамай, форвард 83 дақиқа давомида бирорта ҳам самарали ҳаракатни амалга ошира олмади.
Маълумот учун, Тиягонинг «Брентфорд» билан амалдаги меҳнат шартномаси 2031 йилгача мўлжалланган.
