Мадриднинг «Реал» клуби ҳужумчиси Килиан Мбаппенинг отаси Уилфрид Мбаппе ўғлининг катта футбол йўлида қилган қурбонликлари ҳақида фикр билдирди.
«Фарзандинг футбол ўйнаса, қандай қурбонликлар қилишга тўғри келиши ҳақида гапиряпсиз. Мен Килиан Мбаппенинг 12 ёки 13 ёшида уйдан кетганини кўрдим. Одамлар буни англамайди. Қанча нарсаларни энди қайтариб бўлмайди. Қанча ишларни қилмадик.
Бугунги кунда қайси ота-она 13–14 ёшида фарзандини йўқотишга тайёр? Ҳеч ким! Ҳеч бир ота ёки она: «Ўғлим 13 ёшида уйдан кетди ва қайтмади», деб айтишни хоҳламайди. Аммо биз билан шундай бўлди. Бу уларнинг лойиҳаси, ажойиб ҳикоя, лекин баъзи ота-оналарга тушунтирсам улар буни тушунмайди», — дея Уилфрид Мбаппенинг сўзларини АS келтирди.
Эслатиб ўтамиз, аввалроқ Мбаппе ХХI асрда пеналтилар бўйича топ-5 лигалар рекордига яқинлашгани хабар қилинган эди.
