Франция миллий жамоаси ҳужумчиси Килиан Мбаппе жаҳон чемпионати-2026даги тўпурарлик пойгаси ҳақида фикрлари билан ўртоқлашди.
«Уч ранглилар» сардори 1/16 финал босқичида Швецияга қарши ўйинда (3:0) дубл расмийлаштирди. Энди «Реал Мадрид» ҳужумчиси аргентиналик Лионел Месси билан бирга мусобақа тўпурарлари рўйхатида биринчи ўринни бўлишмоқда – иккаласида ҳам 6 тадан гол бор.
«Мен Мессининг ўйинини кузатмайман. У гол урган, гол ураверади ва бу ишни амалга оширишда давом этади. Мен бу ҳақда олдин ҳам айтгандим. У билан рақобатлашиш учун ўзимни янада яхшироқ кўрсатишим керак», – дея Мбаппенинг сўзларидан иқтибос келтирди The Touchline.
Аргентина миллий жамоаси ЖЧ-2026 1/16 финалида Кабо-Верде билан ўйнайди – баҳс 4 июл (Тошкент вақти билан 03:00)да бўлиб ўтади.
Францияликларнинг 1/8 финал босқичидаги рақиби эса Парагвай миллий жамоаси бўлади.
