Франция миллий жамоаси бош мураббийи Дидие Дешам жаҳон чемпионати 1/16 финал доирасида Швеция устидан қозонилган ғалаба (3:0)дан кейин таассуротлари билан ўртоқлашди.
- Биз бу ерга аниқ вазифа билан келганмиз. Ва мен уни жамоа билан баҳам кўраман. Фахрланишимиз учун сабаб бор, аммо олдинда бизни узоқ йўл кутмоқда. Бу босқичдан ишончли тарзда ўтдик, ваҳоланки янада кўпроқ вазиятларимиздан фойдаланишимиз мумкин эди. Энди тикланиш ва тўрт кундан кейин яна ўзимизнинг энг яхши футболни намойиш қилишимиз керак. Жуда узоққа қарашдан маъно йўқ - реаллик сени тезда ерга тушириб қўйиши ҳеч гап эмас. Бизда иқтидорли жамоа бор, аммо буни ҳар ўйин исботлашимиз зарур, - деди Дешам ўйиндан кейин.
Эслатиб ўтамиз, 1/16 финал босқичида Франция Швецияни йирик 3:0 ҳисобида мағлубиятга учратди. Кейинги босқичда Дешам жамоаси Парагвайга қарши майдонга тушади.
