Англия миллий жамоаси собиқ ҳимоячиси Гари Невилл жаҳон чемпионати 1/16 финал доирасидаги Франция ва Швеция ўртасидаги ўйиндан кейин Килиан Мбаппенинг ҳаракатларини эътироф этди.
- Тўғрисини айтсам, бу жаҳон даражасидаги гол. Ҳа, биз Олисе, Дембеле, Шерки ҳақида гапиргандик. Бироқ Мбаппе - буткул бошқа даражадаги футболчи, - дея Невилл сўзларидан иқтибос келтирди ВВС.
Эслатиб ўтамиз, Франция миллий жамоаси Швецияни 3:0 ҳисобида мағлубиятга учратиб, 1/8 финал йўлланмасини қўлга киритди. Мбаппе бу баҳсда дубл қайд этиб, иккинчи бор ўйиннинг энг яхши футболчиси номига лойиқ кўрилди.
Шунингдек, Килиан ушбу мусобақада ҳам, мундиаллар тарихида ҳам тўпурарлар пойгасида Лионел Мессидан кейин иккинчи ўринни банд этиб турибди.
