«Реал» клуби ҳужумчиси ва Франция миллий жамоаси аъзоси Килиан Мбаппе Хитойнинг Dongpeng ва Мengniu компаниялари билан ҳомийлик шартномаларидан айрилди. Тhe Guardian нашри хабарига кўра, бунга футболчининг интернетда тарқалган видеодаги мем ҳақидаги изоҳи сабаб бўлган.
Видеода Мбаппе ўзига энг кулгили туюлган мем ҳақида гапирар экан, унда унинг юзи «қандайдир йигит — шекилли, хитойлик диктатор» тасвирига қўйилганини айтган. Тахминларга кўра, футболчи Хитойнинг собиқ раҳбари Мао Сзедунни назарда тутган.
Ичимликлар ишлаб чиқарувчи Dongpeng компанияси футболчи билан ҳамкорликни тўхтатганини эълон қилди. Компания миллий туйғуларни ҳақорат қилувчи хатти-ҳаракатларга нисбатан муросасиз сиёсат юритишини таъкидлаган.
Хитойнинг энг йирик сут маҳсулотлари ишлаб чиқарувчиларидан бири бўлган Мengniu компанияси ҳам шунга ўхшаш баёнот билан чиқиб, Мбаппе билан ҳамкорликни тўхтатганини маълум қилган.
Эслатиб ўтамиз, Мбаппе 2026 йилги «Олтин тўп» мукофотида «Бавария» ҳужумчиси ва Англия миллий жамоаси аъзоси Ҳарри Кейнга имкониятни бой берган.
