«Болоня» Италия А Серияси 9-тури доирасида сафарда «Милан» билан баҳс олиб борди. Биринчи бўлимдан сўнг, 1:2 ҳисобида ортда қолаётган Раффаэле Палладино шогирдлари якунда 4:2 ҳисобида ғалабани нишонлади. Голлардан 3 тасини ҳужумчи Самюэл Мбангула ўз ҳисобига ёздириб қўйди.
Маълум бўлишича, Мбангула ғалаба учун (А Серияда) 3 очко берила бошлагандан бери «Милан» билан сафардаги ўйинда хет-трик қайд этган иккинчи футболчи сифатида тарихга кирди. Бу борада биринчи аргентиналик Габриэл Батистута бўлиб, у «Фиорентина» сафида 1998 йил 26 сентябр куни миланликлар дарвозасига 3 та тўп киритишга муваффақ бўлган.
Маълумот учун, айни дамда «Болоня» А Серия онлайн жадвалида 11-ўринни эгаллаб турибди. Италия чемпионатнинг кейинги турида клуб ўз майдонида «Монца»ни қабул қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади