«Барселона» вингери Руни Бардакчи фаолиятини Англия Премер-лигасида давом эттириши мумкин.
TEAMtalk нашри хабар беришича, «Лидс» клуби швециялик 20 ёшли футболчини ўз сафига қўшиб олмоқчи.
«Барселона» ҳам кўп ўйин амалиётига эга бўлмаётган футболчини бир мавсумга ижарага беришга тайёр.
Футболчининг Каталония клуби билан шартномаси 2029 йилнинг ёзига қадар мўлжалланган. У клуб сафида 28 та ўйинда майдонга тушиб, ўз ҳисобига 2 та гол ва 4 та голли узатмани ёздириб қўйган.
«Лидс» Англия чемпионатининг ўтган мавсумини 14-ўринда якунлаган эди.
