«Ливерпул» собиқ бош мураббийи Юрген Клопп «Реал» бош мураббийи бўлиш учун асосий номзод бўлиб қолмоқда. Бу ҳақда журналист Фабрицио Романо хабар берди.
Маълум қилинишича, «Реал»да Клоппни алоҳида ҳурмат қилишади. Шунингдек, клуб президенти Флорентино Перес германиялик мураббийнинг ишини юқори баҳолайди ва уни Мадридга таклиф қилиш ғоясини доимо қўллаб-қувватлаб келган.
Шу билан бирга, Перес Зинедин Зидан ҳақида ҳам ижобий фикрда қолмоқда. Бироқ франциялик мутахассис 2026 йилда бўлиб ўтадиган жаҳон чемпионатидан кейин Франция миллий жамоасини бошқариш бўйича келишувга эришган.
Маълумот ўрнида, Юрген 2025 йил 1 январдан буён «Ред Булл» тизимида футбол операциялари раҳбари лавозимида ишлаб келмоқда. Ушбу тизимга ҳозирда 4 та клуб киради.
Аввалроқ «қироллик клуби» Хаби Алонсо билан ҳамкорлик тугатилганини эълон қилганди ва янги бош мураббий сифатида Алваро Арбелоа тайинланди.
