Колумбиялик ветеран Хамес Родригес фаолиятининг сўнгги босқичида Италия чемпионатида тўп тепиши мумкин. Бироқ у А Серияда эмас, B Серияда ўйнаши эҳтимоли юқори.
Маrcа нашри италиялик журналист Маттео Мореттонинг маълумотларига таяниб хабар беришича, Хамес «Авеллино» билан келишувга эришишга жуда яқин. Футболчининг трансферидаги асосий омиллардан бири клуб бош мураббийи, афсонавий футболчи Алессандро Нестанинг иштироки бўлмоқда.
«Авеллино» Италия чемпионатининг уч туридан сўнг B Серия турнир жадвалида бешинчи ўринда бормоқда.
Хамес фаолияти давомида турли мамлакатлар чемпионатларида тўп тепган, бироқ Италияда ҳали ўйнамаган.
