«Челси» 2026 йилнинг ёзида ҳам ўз таркибини кучайтиришга ҳаракат қилади.
Fichajes нашрининг хабар беришича, «кўклар» келаси ёзда «Реал» яримҳимоячиси Эдуардо Камавингани сотиб олишга уриниб кўради.
Англия клуби франциялик футболчи учун 52 миллион фунт стерлинг (60 миллион евро) таклиф қилишга тайёр.
«Қироллик клуби» бу таклифни қабул қиладими ёки йўқми номаълум.
22 ёшли футболчи Мадрид клубига 2021 йилда «Ренн»дан 31 миллион евро эвазига келиб қўшилган эди. Унинг шартномаси 2029 йил ёзигача мўлжалланган.
Аввалроқ, Хаби Алонсо Камавинга ва Беллингҳэм ҳафта охиригача ўйинларда иштирок этишга тайёр бўлишини маълум қилган эди.
