«Брентфорд» клуби «Кёлн» ҳужумчиси Саид Эл Мала учун расмий таклиф юборди. Бу ҳақда Bild нашри хабар берди.
Инглиз клуби 19 ёшли футболчининг трансферига 40 миллион миқдорида кафолатланган тўлов таклиф қилмоқда, шунингдек, қўшимча равишда 5 миллион бонуслар ҳам кўзда тутилган.
Бундан ташқари, «Кёлн» футболчининг келажакдаги сотувидан 15 фоиз улуш олади.
«Кёльн» спорт директори Томас Кесслер Эл Мала бўйича таклиф тушганини тасдиқлади. Унинг сўзларига кўра, таклиф этилаётган сумма клубни музокараларга очиқ ҳолатга келтирган.
Маълум қилинишича, «Брентфорд» жавоб бериш учун муайян муддат белгилаган: агар яқин кунларда келишувга эришилмаса, инглиз клуби бошқа вариантларни кўриб чиқишга ўтади.
Эл Мала 2025 йилда «Кёлн» томонидан учинчи дивизион вакили — «Виктория»дан 350 минг евро эвазига харид қилинган эди.
Ўтган мавсумда у Бундеслигада 34 ўйинда иштирок этиб, 13 та гол урди ва 4 та голли узатмани амалга оширди.
