ФИФАнинг собиқ президенти Йозеф Блаттер халқаро футбол ташкилотига янги раҳбар сифатида Норвегия футбол ассоциацияси президенти Лисе Клавенесс номзодини илгари сурди.
Блаттернинг фикрича, ФИФАда юзага келган муаммоларни ҳал қилиш учун кескин ўзгаришлар ва янги бошқарув зарур.
«Лисе Клавенесс энг юқори ҳурматга лойиқ инсон. У доимо ўз принципларига содиқ қолган ва ҳеч қачон оқим бўйлаб сузмаган. Менимча, ФИФАни энди аёл бошқарадиган вақт келди», — деб ёзди Блаттер Х ижтимоий тармоғидаги саҳифасида.
Аввалроқ Жанни Инфантино Марокашда ФИФА раҳбариятининг фавқулодда йиғилишини чақиргани ҳақида хабарлар тарқалган эди. УEФА, КОНКАКАФ ва ОФК раҳбариятга ишончсизлик билдирган ҳамда ФИФА президентлиги учун муқобил номзод излашни бошлагани айтилмоқда.
Маълумот учун, агар Жанни Инфантино лавозимида қоладиган бўлса, УEФА, КОНКАКАФ ва ОФК таркибидаги айрим давлатлар ФИФА мусобақаларини бойкот қилиш эҳтимолини ҳам истисно этмаяпти.
