Испаниянинг «Атлетико» клуби вингер Алекс Баэнани «Манчестер Сити»га сотишни режалаштирмаяпти. Бу ҳақда Football Insider хабар берди.
Манбага кўра, «шаҳарликлар» Баэнанинг ўйинидан мамнун ва уни ўз трансфер рўйхатига киритган. Бироқ испаниялик футболчини яқин икки трансфер ойнасида қўлга киритиш осон бўлмайди. «Атлетико» 25 ёшли вингернинг трансферини кўриб чиқмаяпти.
Баэнанинг Мадрид клуби билан амалдаги шартномаси 2030 йилгача мўлжалланган.
Испаниялик футболчи ушбу мавсумда барча турнирларда бешта баҳсда майдонга тушиб, учта гол урди ва битта голли узатмани амалга оширди.
