Қозоннинг «Рубин» клуби бош мураббий лавозимидан озод этилган Франк Артигага 12 млн рубл тўлаб бериши керак. Испаниялик мутахассиснинг шартномаси 2027 йил 30 июнга қадар мўлжалланган эди.
Клуб эндиликда собиқ бош мураббийига 2026 йилнинг қолган қисми, яъни 3 ойлик маошини тўлаб беради. Артиганинг ойлик маоши 4 миллион рублни ташкил қилар эди.
Таъкидлаш лозим, Артига билан бирга жамоани унинг ёрдамчилари ҳам тарк этган, эртага, 26 октябр куни Олег Кузмин вақтинчалик бош мураббий вазифасини бажарувчи сифатида илк машғулотини ўтказади, деб хабар берди Иван Карпов.
Эслатиб ўтамиз, Ўзбекистон миллий жамоаси ҳимоячиси Жаҳонгир Ўрозов сафида тўп тепаётган «Рубин» ички чемпионатда «Криля Советов»га имкониятни бой бергач, қаторасига 3-мағлубиятдан кейин, Артигага чиқиш эшикларини кўрсатди.
