«Milan»ning sobiq hujumchisi Aleksandre Pato Angliyaning «Northempton Toun» klubi egasiga aylandi. Bu haqda kelishuv amalga oshishi mumkinligi haqida avvalroq xabar berilgandi. EFL orqali bitimni rasmiylashtirish uchun biroz vaqt talab qilindi.
Kelishuv bilan bog‘liq barcha byurokratik jarayonlar yakuniga yetgan. Klub prezidenti Kelvin Tomas Pato va boshqa investorlar ishtirok etgan bahsda muxlislarning munosabatini alohida ta’kidladi. Uning so‘zlarini derbyderbyderby.it nashri keltirdi.
«Kelishuvlar nihoyat to‘liq rasmiylashtirilganidan xursandmiz. Pato va guruhning boshqa ishtirokchilari «Nyupport»ga qarshi bahsda qatnashganida muxlislarning ishtiyoqi va quvonchini ko‘rdik», — dedi Tomas.
Aleksandre Pato futbolchilik faoliyati davomida «Milan» safida ham to‘p tepgan. Braziliyalik hujumchi Yevropadagi faoliyati bilan bir qatorda, boshqa qator klublarda ham o‘ynagan.
Ma’lumot uchun, «Northempton Toun» hozirda Angliya futboli tizimidagi kuch jihatidan to‘rtinchi darajali ligada ishtirok etmoqda.
