«Bavariya» hujumchisi Harri Keyn 2026-yilgi «Oltin to‘p» mukofotini qo‘lida ushlagan holda jamoa muxlislariga maxsus videomurojaat yo‘lladi.
«Salom, «Bavariya» muxlislari! Men Harri Keynman. Ko‘rib turganingizdek, qo‘limda 2026-yilgi «Oltin to‘p» bor.
Men sizlarning har biringizga beqiyos qo‘llab-quvvatlovingiz uchun katta rahmat aytmoqchiman. Bu nafaqat shaxsiy uchrashuvlarimizda yoki ijtimoiy tarmoqlarda, balki, eng avvalo, stadion tribunalaridagi qo‘llab-quvvatlashingizda namoyon bo‘ladi. Bu haqiqatan ham bizning umumiy sovrinimiz!
Sizlarning qo‘shiqlaringizsiz, stadiondagi ishtirokingizsiz va har bir o‘yinda bizga bag‘ishlaydigan kuchli energiyangizsiz bu muvaffaqiyatga erishish mutlaqo imkonsiz bo‘lar edi.
Ha, sovrinni qo‘limda men ushlab turibman, ammo bu g‘alaba butun «Bavariya»ning, barcha muxlislarimizning, jamoadoshlarimning, murabbiylar shtabi va klubning har bir xodimining xizmatidir.
Ushbu zafarni stadionda sizlar bilan birgalikda nishonlashni intiqlik bilan kutyapman. Bu kubokni sizlarga ko‘rsatish men uchun juda yoqimli bo‘ladi. Bu ulkan yutuq va «Oltin to‘p»ning Myunxenda ekanidan barchamiz haqiqatan ham faxrlanishimiz kerak.
Yana bir bor barchangizga katta rahmat! Yaqin orada yana sizlarning oldingizda maydonga tushishni sabrsizlik bilan kutyapman!» — dedi Keyn klub matbuot xizmati tomonidan X ijtimoiy tarmog‘ida e’lon qilingan videomurojaatida.
