"Al Ittihod" klubi hujumchi Karim Benzema bilan shartnomani uzaytirmaydi. Bu haqda Footmercato nashri xabar berdi.
Manbaga ko‘ra, fransiyalik 37 yoshli futbolchi Jidda klubi bilan yangi shartnoma imzolamagan. Klub tomonidan ham bu borada taklif berilmagan.
Benzema Saudiya klubi bilan xayrlashadigan bo‘lsa, "Lion"ga qaytishi mumkin. Klub ishqibozlari uning qaytishini xohlamoqda. Biroq uning yuqori moliyaviy talabi muammo bo‘lish ehtimoli bor.
Bu mavsumda Karim "Al Ittihod" tarkibida 12 ta o‘yinda maydonga tushib, 11 ta gol urishga muvaffaq bo‘ldi.
