Ўзбекистон миллий жамоаси ҳимоячиси Жаҳонгир Ўрозов ЖЧ-2026нинг 1‑туридан ўрин олган Колумбияга қарши баҳсдан сўнг ўз фикрларини билдирди.
«Ўйин биз кутгандек қийин бўлди. Жаҳон чемпионатида кўриб турганингиздек, ҳар бир баҳслар анча муросасиз кечмоқда. Шунга қарамай биринчи бўлимда яхши ҳаракат қилдик. Иккинчи бўлимнинг ўртасида бироз чарчоқ сезилди. Натижада рақиб йўқ жойдан гол уриб кетди. Ўйин охирига келиб, яна ўзимизга келдик.
Ҳар бир ўйин биз учун муҳим ҳисобланади. Майдонда боримизни беришга ҳаракат қиламиз», — дея Ўрозовнинг сўзларидан келтиради ЎФА матбуот хизмати.
