UFC собиқ чемпиони Илия Топурия ярим ўрта вазн тоифаси чемпионлик камари учун бўладиган эҳтимолий жангда Ислом Махачевни мағлуб этишига ишонишини айтди.
«Мен Махачев билан учинчи чемпионлик камари учун жанг қилган бўлардим. Агар Ислом ярим ўрта вазнда чемпион бўлса ва UFC менга қўнғироқ қилса, бу имкониятдан албатта фойдаланаман. Агар бундай бўлмаса, ўз вазн тоифамда қоламан.
Ғалаба қозонишимга 100 фоиз ишонаман. Мен болалигимдан кураш билан шуғулланганман, гилам устида катта бўлганман.
Менда октагонга чиқиб, Махачевни партерга ўтказиш, уни назорат қилиш, кейин эса ўрнимдан туриб, тик ҳолатда жанг қилиш бўйича ҳеч қандай муаммо йўқ.
Мен уни қандай мағлуб этишни биламан, миямда аниқ стратегия бор. Унинг деярли барча жангларини томоша қилганман, кучсиз томонларини яхши биламан.
Балки у мени аввалги рақиблари билан адаштираётгандир, аммо мен Дэн Ҳукер ҳам, бошқа йигитлар ҳам эмасман», — деди Топурия.
Аввалроқ Илия Гейжига қарши жанг якунига етгач октагондан тиббий аравачада олиб кетилгани маълум қилинганди.
