«Катта дубулға» туркумига кирувчи мусобақаларнинг 5 карра чемпиони, дунёнинг биринчи ракеткаси, италиялик теннисчи Янник Синнер тиззасидан олган жароҳат сўнг, кортдаги илк машғулотини ўтказди. Теннисчи Рикардо Пятти академиясининг ҳард қопламали кортларидан бирида машғулот ўтказди.
Синнер айнан тиззасидаги жароҳат сабаб АҚШ Очиқ чемпионати-2026да иштирок эта олмаслигини маълум қилганди. Шундан сўнг Синнер Турин клиникасида тизза бўғими пайининг бўғимдан ташқари яллиғланишини консерватив даволаш курсидан муваффақиятли ўтди.
Маълумот учун, аввалроқ теннисчи Хитойнинг Пекин шаҳрида бўлиб ўтадиган АТП-500 турнирига қайтиши маълум бўлганди.
Эслатиб ўтамиз, Пекиндаги турнир 30 сентябрдан 6 октябргача бўлиб ўтади.
