«Ан Наср» ҳужумчиси Криштиану Роналду фаолияти давомида жами 2 миллиард доллар даромад олган биринчи фаол спортчига айланди. Бу ҳақда Forbes нашри хабар берди.
Қайд этилишича, португалиялик 41 ёшли футболчи 2026-2027 йилги мавсумда Саудия Арабистонининг «Ан Наср» клубидаги фаолияти учун 250 миллион доллар, реклама шартномалари ва бошқа бизнес лойиҳаларидан эса яна 50 миллион доллар ишлаб топиши кутилмоқда.
«Интер Майами»да ўйнаётган Лионел Месси эса ушбу маррага келаси йилда етиши мумкин. Аргентиналик футболчининг даромади Роналдуга қараганда анча ортда.
Эслатиб ўтамиз, Криштиану фаолияти давомида «Спортинг, «Манчестер Юнайтед», «Ювентус», «Реал» жамоаларида ўйнаган. 5 марта «Олтин тўп» cоҳибига айланган. Саудия Арабистони клубида эса 2022 йилнинг декабридан бери ўйнамоқда.
