«Катта дубулға» туркумига кирувчи мусобақалар тўрт карра ғолибаси, дунёнинг иккинчи ракеткаси, беларуслик теннисчи Арина Соболенко 2026 йилда реклама берувчилар талаби энг кучли спортчилар рейтингининг биринчи ўрнини банд этди. Бу ҳақда SportsPro портали ва NorthStar Solutions Group таҳлилий компания маълумот берди.
Соболенко 100дан 80,95 балл жамғарди. Рейтингни шакллантиришда шахсий бренднинг кучи, машҳурлик динамикаси ва спортчиларнинг тижорат салоҳияти ҳисобга олинди. Рейтингнинг 4-поғонасини норвегиялик форвард Эрлинг Ҳоланд эгаллади.
2026 йилда реклама берувчилар учун энг жозибадор ТОП-10 спортчи:
1. Арина Соболенко (теннис).
2. Эйлин Гу (фристайл).
3. Яннис Адетокунбо (баскетбол).
4. Эрлинг Ҳоланд (футбол).
5. Карлос Алькарас (теннис).
6. Алиса Лю (фигурали учиш).
7. Виктор Вембаняма (баскетбол).
8. Александр Зверев (теннис).
9. Шарл Леклер (Формула-1).
10. Эй Жей Дибанца (баскетбол).
Шунингдек, ТОП-50таликка теннисчилардан Ига Швёнтек (17), Наоми Осака (21), Кори Гауфф (32), Янник Синнер (35) ва Новак Жокович (46) ҳам кирди.
