«Реал» тарбияланувчиси ва 1994-2002 йиллар давомида клуб тизимида ҳаракат қилган испаниялик собиқ яримҳимоячи Алваро Бенито жароҳатидан тузалиш арафасида турган Жуд Беллингҳэм асосий таркибда Арда Гулернинг ўрнини эгаллашини тахмин қилди.
«Беллингҳэм сафга қайтганидан кейин жамоа асосий таркибида Арда Гулернинг ўрнини эгаллайди. Бунга ҳеч қандай шубҳа йўқ. Ҳозирда туркиялик футболчи жамоанинг энг заиф нуқтаси бўлиб турибди», - деди 48 ёшли собиқ футболчи.
20 ёшли Арда ушбу мавсумда «қироллик клуби»нинг 5 та ўйинида 2 та гол уриб, 1 та голли узатма амалга оширди.
22 ёшли Беллингҳэм елкасини операция қилдиргани сабабли ҳали расмий ўйинларда майдонга тушмади.
