Бу ҳақда Германиянинг Bild нашри хабар берди.
Испаниянинг «Реал» ва Германиянинг «РБ Лейпциг» клублари ўртасида бўлиб ўтган музокараларнинг янги босқичидан кейин ҳам Кот-д’Ивуар миллий жамоаси вингери Ян Диоманде трансфери бўйича якуний келишувга эришилганича йўқ.
Манбанинг хабарига кўра, «РБ Лейпциг» «Реал»нинг 100 ва 115 млн евролик иккита таклифини рад этган. Таъкидланишича, немис клуби кафолатланган 120 млн евро ва бонуслар билан 135 млнга айланиши мумкин бўлган пул талаб қилмоқда.
Аввалроқ бошқа бир инсайдер Фабрицио Романо, Диоманде Мадриднинг «Реал» клуби футболчисига айланиши ва келишув 100 млн евродан юқори бўлишини маълум қилганди.
Маълумот учун, Диоманде 2025 йилдан буён «Лейпциг» шарафини ҳимоя қилиб келмоқда. 2025/2026-йилги мавсумда у 36 та ўйинда 13 та гол урди ва 10 та голли узатма етказиб берди.
Transfermarkt портали Яннинг актуал трансфер нархини 90 млн еврога баҳоламоқда. Футболчининг немис клуби билан яна 4 йиллик шартномаси бор. Ортда қолган мундиалда Диоманде 4 та ўйинда майдонга тушди ва ҳисобига 1 та ассист ёздириб қўйди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади