Жаҳоннинг 16-ракеткаси бўлган япониялик теннисчи Наоми Осака учун «Ролан Гаррос»нинг учинчи давраси 2026 йилда унинг «Катта дубулға» туркумига кирувчи мусобақалардаги 100-ўйини бўлди. У америкалик Ива Йович билан ўйнади ва 7:6 (7:5), 6:7 (3:7), 6:4 ҳисобида ғалаба қозонди.
Осака Кимико Дате ва Ай Сугиямадан сўнг катта турнирларда 100 ўйин ўтказган учинчи япон аёл теннисчиси бўлди.
Кейинги даврада Наоми Осака дунёнинг биринчи ракеткаси бўлган беларусиялик Арина Соболенко билан куч синашади.
Аёллар ўртасидаги «Ролан Гаррос-2026» 6 июнгача давом этади. Мусобақанинг амалдаги ғолибаси америкалик Кори Гауфф ҳисобланади. У ўтган йилги финалда Арина Соболенкони мағлубиятга учратганди.
