FIFA кунлари муносабати билан чемпионатларда юзага келган танаффусдан унумли фойдаланиш мақсадида ОКМК клуби пролига вакили «Ғазалкент»га қарши иккинчи баҳсни ўтказди. Унда олмалиқликлар 5:1 ҳисобида муваффақият қозонди.
Жамоаларнинг дастлабки учрашувида «кончилар» 3:1 ҳисобида ғалаба қозонганди.
Иккинчи баҳсда Урош Койич, Сиаваш Ҳақназари рақиб дарвозасини бир мартадан ишғол қилган бўлса, Миржамол Қосимов хет-трик қайд этиб, жамоамизнинг йирик ғалабасига муносиб ҳисса қўшди.
