Хорватия миллий жамоаси яримҳимоячиси Лука Модрич Лионел Мессининг Аргентинадаги фаолиятини якунлагани ҳақида фикр билдирди.
Хорватиялик футболчи Мессига қарши ўйнаш қийин бўлганини, бироқ унинг ўйинини томоша қилиш катта завқ бағишлаганини айтди.
«Унга қарши ўйнаш катта завқ эди, гарчи Хорватия миллий жамоаси ва «Реал» сафида ундан анча азият чеккан бўлсам ҳам. Унинг ўйинини томоша қилиш ҳақиқий завқ. У ҳақиқатан ҳам ноёб футболчи. Унга омад тилайман», — деди Модрич.
Эслатиб ўтамиз, Лео Аргентина миллий жамоасидаги фаолиятини якунлади. Футболчи Буэнос-Айресда бўлиб ўтган Бенинга қарши баҳсда хайрлашди. Месси учта голнинг барчасида иштирок этиб, иккита голли узатма берди ва пеналтидан гол урди.
Маълумот учун, Лионел Аргентина миллий жамоаси сафида 2005 йилдан буён тўп тепиб келган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади