«Навбаҳор» клуби Наманганда Ўзбекистон Кубоги чоракфиналида пролига вакили «Ғазалкент»ни қабул қилди ва кутилганидек ғалаба қозониб, яримфиналга йўл олди. 3:1 ҳисобида мезбонларнинг ғалабаси билан якунланган учрашувдан кейин наманганликлар мураббийи Михаил Еремчук матбуот анжуманида қуйидагиларни айтди:
— Ғалаба билан ва яримфинал йўлланмасин қўлга киритилгани билан раҳбариятни, мухлисларни, барчаси табриклайман. Ўйин қизиқарли бўлди. «Пахтакор»га қарши баҳс биздан кўп куч ва ҳиссий энергияни олди. Шунинг учун бугун ўйинларда бироз камроқ иштирок этган футболчиларга майдонга тушиш имкониятини бердик. Умуман олганда, рақибга ҳам муносиб баҳо бериш керак. Улар анча яхши, жипслашган ҳолда ҳимояланишди. Қизиқарли жамоа. Ўйлайманки, чемпионат ва Пролигада бундай ёш жамоалар қанчалик кўп пайдо бўлса, бу Ўзбекистон футболи ривожи учун шунчалик катта фойда беради.
Бизга осон бўлмади. «Пахтакор»га қарши ўйиндан кейинги чарчоқ сезилди. Умуман олганда, натижа учун ўйнадик. Биз учун ярим финалга чиқиш муҳим эди ва у ерда бўлиш учун қўлимиздан келган барча ишни қилдик.
— Қандай бўлмасин, яхши ишлашда давом этамиз. Машғулотларда ҳар бир футболчида ўзини кўрсатиш имконияти бор. Бизда ишонч билдирадиган, жамоа учун жуда муҳим бўлган футболчилар етарли. Ҳар бир ўйинчини қадрлаймиз. Шу сабабли ҳар қандай ҳолат юз бериши мумкин, исталган футболчи ўйинда майдонга тушиши мумкин. Ким кўпроқ ҳаракат қилса ва ўйнашга муносиб бўлса, ўша футболчи асосий таркибда майдонга тушади.
— Бугун «Пахтакор»га қарши ўйинда кўп иштирок этмаган футболчилар анча кўпроқ майдонга тушишди. Чунки яна бир бор таъкидлайман, ўша учрашув жуда оғир кечди, ҳиссий зўриқиш ҳам кўп бўлди. Бундан ташқари, бугунги ўйингача бўлган вақт оралиғи ҳам қисқа эди. Шу сабабли бугун таркибда катта ротация амалга оширилди.
— Алекс жароҳат олган. Тахминан бир ҳафта ёки бир ярим ҳафта олдин операция қилинди. У Тошкентда жарроҳлик амалиётини ўтказди ва ҳозир тикланиш жараёнини бошдан кечирмоқда. Қанчалик тез сафга қайтишини эса тиббий штабдан аниқлаштириш керак. Худо хоҳласа, тезроқ соғайиб, жамоамизга қайтсин, ўз ўйини билан бизни хурсанд қилиб, жамоага ёрдам берсин.
— «Навбаҳор» стадионидаги муҳит шунчаки ажойиб! Бу ердаги атмосфера ақлбовар қилмас даражада. Аввалги сафар ҳам айтганман, бундай муҳит футболчиларга ёрдам беради ва бу жуда яхши.
Албатта, бундай шовқинда бир-бирингизни эшитиш қийин, лекин трибуналар бўм-бўш бўлганидан кўра, шундай бўлгани яхши. Мухлисларга келиб, жамоани қўллаб-қувватлаётганлари учун катта раҳмат айтаман. Ҳатто нимадир ўхшамай қолганида ҳам улар бизни қўллаб-қувватлашда давом этишади. Бу жуда ажойиб! Бунинг учун улардан миннатдорман.
Мухлисларнинг қўллаб-қувватлаши ғалабаларимизга ҳам ёрдам беради. Ҳеч қиси йўқ, баъзан уларнинг овозини эшитиш ҳам қийин бўлади», - дея Еремчукнинг сўзларини келтиради Tribuna.uz журналисти.
