Мадриднинг «Реал» клуби ва Франция миллий жамоаси ҳужумчиси Килиан Мбаппе агарда «қироллик клуби»га ўтмаганида фаолиятини қаерда давом эттириши ҳақида гапирди.
«Реал» «ПСЖ»дан кетишимга сабаб бўладиган ягона клуб эди. Агарда бу трансфер амалга ошмаганида, мен фаолиятимнинг охиригача Парижда тўп тепган бўлардим. Бу жамоада жуда кўп дўстларим қолган», - дея форвард сўзларидан иқтибос келтирди One Football.
27 ёшли франциялик 2024 йилнинг ёзида испан гранди сафига бориб қўшилганди. Килиан Мадрид клуби билан 2029 йилнинг ёзигача мўлжалланган битимга имзо чеккан. Футболчининг тахминий трансфер нархи 200 миллион еврони ташкил қилади.
