Мадриднинг «Реал» клуби ҳужумчиси Килиан Мбаппе ХХI асрда Европанинг топ-5 лигаларида пенальтилардан урилган голлар бўйича рекордни янгилашга яқин турибди.
Ла Лиганинг 22-турида «Райo Валекано»га қарши ўйинда Мбаппе 90+10-дақиқада пенальти тепиб, гол муаллифига айланди. Бу унинг 11 метрли зарбалардан урган 12-голи бўлди. Учрашув «Реал»нинг 2:1 ҳисобидаги ғалабаси билан якунланди.
Статистик маълумотларга кўра, ҳозирча пеналтилар бўйича рекорд Италия ҳужумчиси Чиро Иммобилега тегишли. У 2019/2020 йилги мавсумда 15 та пеналтини аниқ амалга оширган.
Маълумотни статистик портал Score 90 Х ижтимоий тармоғида эълон қилди.
Қайд этилишича, Мбаппе 2026 йил давомида ўтказилган олти учрашувда аллақачон уч бор пеналти орқали гол уришга муваффақ бўлган.
