Лондон мэри Содиқ Хон «Бавария» ҳужумчиси ва Англия миллий жамоаси сардори Ҳарри Кейнни «Олтин тўп»ни қўлга киритгани билан табриклади.
«Англия миллий жамоаси сардори, Лондонда туғилган Ҳарри Кейн «Олтин тўп» соҳибига айланганидан жуда хурсандман. Бу ўтган мавсумда клуб ва миллий жамоа сафида ажойиб ўйин кўрсатиб, 73 та гол урганидан сўнг, муносиб эътирофдир. Унинг ёзда бўлиб ўтган жаҳон чемпионатидаги ажойиб ўйинини, жумладан, «Атстека» стадионидаги ўша сеҳрли оқшомда Мексика дарвозасига киритган ғалаба голини ким ҳам унута оларди? Биринчи «Олтин тўп»ни англиялик сэр Стенли Метюз қўлга киритганидан 70 йил ўтиб, маросим биринчи марта Лондонда ўтказилгани рамзий маънога эга. Кейн нафақат «Тоттенҳем» ва Англия миллий жамоасининг афсонаси, балки энди расман барча даврларнинг энг буюк футболчиларидан бири» - деб ёзди Хон.
Маълумот учун, Кейн 2001 йилдан бери «Олтин тўп»ни қўлга киритган биринчи инглиз футболчиси бўлди. Ўшанда мукофот Майкл Оуэнга топширилганди.
