Римнинг «Лацио» клуби трансфер ойнаси ёпилган бўлса-да, таркибни кучайтириш имкониятларини кўриб чиқмоқда.
Calciomercato.com нашрининг хабар беришича, римликлар Мадриднинг «Реал» клуби собиқ ҳимоячиси Давид Алаба, шунингдек, яна тўрт нафар эркин агентни кузатувга олган. Улардан уч нафари ўз вақтида «Интер» шарафини ҳимоя қилгани эътиборга лойиқ.
Манбага кўра, «Лацио» ҳимоячи Алессио Романиоли Қатарнинг «Ал-Садд» клубига сотилганидан кейин ҳимоя чизиғини кучайтиришни режалаштирмоқда. Номзодлар орасида Алабадан ташқари «Интер»нинг собиқ ҳимоячиси Франческо Ачерби ва Берлиннинг «Унион» жамоасида тўп тепган португалиялик ҳимоячи Диогу Лейте ҳам бор.
Шунингдек, римликлар Марсело Брозович ва Мауро Икардини ҳам ўз рўйхатига қўшган. Хорватиялик футболчи ёзда «Ан-Наср»ни тарк этган бўлиб, у яримҳимоячиларнинг жароҳати туфайли «Лацио»нинг майдон марказидаги муаммоларини ҳал қилиши мумкин. Хабарларга кўра, Икардига Испаниянинг «Элче» клуби ҳам даъвогарлик қилмоқда.
