«Ипсвич Таун» Чемпионшип якунларига кўра Англия Премер-лигасига йўл олди.
Қайд этилишича, жамоа 46 турдан кейин 84 очко жамғариб, иккинчи ўринни эгаллади ва тўғридан-тўғри юқори дивизионга чиқди. «Ипсвич» энг яқин таъқибчиси «Миллуолл»ни атиги бир очкога ортда қолдирди.
Чемпионат ғолиби эса 95 очко билан «Ковентри Сити» бўлди.
Эслатиб ўтамиз, «Ипсвич» ўтган мавсум якунида АПЛдан тушиб кетганди ва орадан бир йил ўтиб яна элитага қайтди.
Маълумот учун, учинчи йўлланма учун плей-оффда «Миллуолл», «Саутҳэмптон», «Мидлсбро» ва «Ҳалл Сити» баҳс олиб боради.
