Норвегиялик ҳимоячи Жеспер Даланн Европанинг учта клуби қизиқиш доирасига тушди. Бу ҳақда инсайдер Экрем Конур ижтимоий тармоқларда маълум қилди.
Манбага кўра, 26 ёшли футболчига «Айнтрахт», «Шалке» ва «Лилл» клублари қизиқиш билдирмоқда.
Эслатиб ўтамиз, Даланннинг трансфер ҳуқуқи «Кардифф Сити»га тегишли. Ҳимоячи «Викинг» сафида ижара асосида ўйнамоқда ва унинг ижара шартномаси 2027 йил январида якунланади.
Маълумот учун, Даланн ушбу мавсум Норвегия чемпионатида иккита баҳсда майдонга тушиб, бир марта сариқ карточка олган. Тransfermarkt футболчининг бозор қийматини 1,5 миллион еврога баҳоламоқда.
