Испаниялик яримҳимоячи Андер Эррера «Манчестер Юнайтед»да бирга ишлаган португалиялик мураббий Жозе Моуринио ҳақида фикрлари билан ўртоқлашди.
«Жозе – ҳақиқий эркаклар учун мураббий. Моуринио футболчилар ҳозирги каби унчалик юмшоқ бўлмаган даврда ишлаган. Энди у «Реал»даги жиддий босимга дош бериши керак. Клуб «Барселона» ҳукмронлик қилган сўнгги оғир икки йилни ўтказди. У Ла Лигадаги вазиятни ўзгартирадиган мураббийга айланиши мумкин. Жозе буни биринчи марта келганида аллақачон қилган эди», - дея Эрреранинг сўзларидан иқтибос келтиради Испаниянинг AS нашри.
Эслатиб ўтамиз, Ла Лига ўтган турида «қаймоқранглилар» сафарда «Барселона»ни 2:1 ҳисобида мағлуб этди. «Реал» онлайн жадвалда «кўк-анорранглилар»дан уч очко ортда қолмоқда ва жадвалнинг учинчи поғонасидан ўрин эгаллаган.
