Миср миллий жамоаси ва «Барселона» клуби аъзоси Ҳамза Абдулкарим жаҳон чемпионати-2026 1/8 финал босқичи доирасидаги Аргентинага қарши баҳс ҳақида фикрларини билдирди.
Плей-оффнинг илк босқичида мисрликлар Австралияни пеналтилар сериясида мағлубиятга учратишни уддалашди. Аргентиналиклар эса Кабо-Вердени қўшимча бўлимларда таслим этишди (3:2).
– Сен жаҳон чемпионатида Мессига қарши ўйнашни орзу қилганмидинг?
– Биз биргина Мессига қарши эмас, Аргентина миллий жамоасига қарши ўйнаймиз, – дея 18 ёшли футболчи сўзларидан иқтибос келтирди Barca Universal.
Маълумот учун, Абдулкарим Мисрнинг ушбу мундиалдаги 4 ўйинининг барчасида сўнгги дақиқаларда захирадан ўйинга қўшилди. Июн ойи аввалида «Барселона» Мисрнинг «Ал Аҳли» клубидан сотиб олишга қарор қилгани маълум бўлганди.
