«Барселона» яримҳимоячиси Френки де Йонг тиззасидан олган жароҳати сабабли фаолиятида танаффус қилмоқда. Клуб футболчининг 8 октябр куни якунланадиган халқаро танаффусдан сўнг тўлиқ тикланишини кутмоқда.
Мundo Deportivo хабарига кўра, 29 ёшли футболчи айни вақтда ўзи танлаган консерватив даволаш усулини давом эттирмоқда. Агар тикланиш жараёнида асоратлар ёки жароҳатнинг қайталаниши кузатилмаса, Де Йонг белгиланган муддатда сафга қайтиши мумкин.
Эслатиб ўтамиз, нидерландиялик футболчи 2026 йилги жаҳон чемпионати вақтида ўнг тиззасининг медиал коллатерал бойламидан жароҳат олган эди.
Маълумот учун, Де Йонг «Барселона» сафида 2019 йилдан буён тўп тепмоқда. Унинг каталонияликлар билан амалдаги шартномаси 2029 йил ёзигача мўлжалланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади