«Атлетико» Мадрид дербисида жароҳат олган «Реал» яримҳимоячиси Федерико Валверденинг тиклангани ҳақидаги хабарларга кинояли муносабат билдирди.
«Биз «Реал»ни тарих яратишда давом этаётгани ва бутун дунёдаги тиббиёт ҳамжамиятининг 100 фоизга адашганини исботлаётгани билан табриклаймиз!» — дейилади «Атлетико»нинг Х ижтимоий тармоғидаги расмий саҳифасида эълон қилинган хабарда.
Қайд этиш лозим, дербидан сўнг «Реал» яримҳимоячининг жиддий жароҳат олганини маълум қилганди. Учрашув давомида «Атлетико» футболчиси Ли Канг Инг Валверденинг тўпиғини босиб олган эпизод ҳам юз берган. Шундан сўнг мадридликлар футболчининг 2–3 ойга сафдан чиққанини билдирган эди.
Бироқ Испания нашрларининг ёзишича, Валверде жамоа билан умумий машғулотларда қатнашган.
Маълумот ўрнида, Ла Лиганинг 7-туридан ўрин олган Мадрид дербисида «Атлетико» 2:1 ҳисобида ғалаба қозонганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади