«Барселона» ҳимоячиси Жюл Кунде «Арсенал»нинг ҳимояни кучайтириш учун асосий вариантларидан бири бўлиб турибди.
Инсайдер Экрем Конурнинг хабар беришича, «Арсенал» 27 ёшли Кунде трансфери бўйича «Барселона» билан боғланган. Лондонликлар ўнг қанот ҳимоячиси изламоқда ва Кунде — бу ролга асосий номзод.
Манбанинг ёзишича, «Барселона» футболчиси учун 58,5 млн евро талаб қилмоқда. Францияликнинг Каталония клубида маоши йилига 12 млн еврони ташкил қилади.
Маълумот учун, 2025/26-йилги мавсумда Кунде барча мусобақаларни инобатга олганда 47 та ўйинда 3 та гол урди ва 4 та голли узатма етказиб берди.
