«Антверпен», «Атлетико» ва «Тоттенҳэм»нинг собиқ ҳимоячиси Тоби Алдервейрелд Белгия клубининг назорат пакетини сотиб оладиган инвесторлар консорциуми таркибига қўшилди.
«Андерлехт»нинг собиқ президенти Вутер Ванденҳауте бошчилигидаги инвесторлар гуруҳи «Антверпен»нинг амалдаги эгаси Пол Гейссенс билан принципиал келишувга эришди. Битим яқин кунларда расмийлаштириш режалаштирилмоқда.
HLN маълумотларига кўра, келишув амалга ошишига Белгия бош вазири Барт де Вевер ҳам ҳисса қўшган. У суғурта компанияси Ethias билан бўлиб ўтган музокараларда иштирок этган. Клуб бош директори Свен Жак ўз лавозимида қолади ва шунингдек, «Антверпен» акциядорига айланади.
Ўтган мавсумда «Антверпен» Белгия чемпионатида 7-ўринни эгаллади ва плей-оффда ўйнайдиган чемпионлик гуруҳига йўл ололмади. Еврокубокларга чиқиш учун ўтказилган плей-оффда жамоа олти клуб орасида бешинчи бўлди ва халқаро турнирларга йўлланмадан маҳрум қолди.
Алдервейрелд «Антверпен»нинг эгаларидан бирига айланди
Футбол
19 июл, 15:15
Ҳимоячи ўзи ўйнаган клубга раҳбарлик қилади.
Foto: Getty Images
