AQShning Nyuark shahrida UFC 328 turniri bo'lib o'tdi.
Uning asosiy jangi o'rta vazn toifasidagi chempionlik bahsi bo'lib, unda Hamzat Chimaev (15-1) va Shon Striklend (31-7) o'zaro kuch sinashdi.
Jang yakunida Striklend hakamlarning qaroriga ko'ra g'alaba qozondi (48-47, 47-48, 48-47). Chimaev 2025 yilda Drikus du Plesisini mag'lub etib, chempionlik kamariga ega chiqqandi. Bu uning ilk himoyasi bo'ldi.
Striklend uchun esa bu to'rtinchi chempionlik jangi hisoblanadi. U 2023 yilda Isroil Adesanyani mag'lub etib, kamarni qo'lga kiritgandi.
Shuningdek, ikkinchi darajali asosiy jangda eng engil vazn toifasi kamari uchun bahsda Joshua Van (17-2) Tatsuro Tayirani (18-2) beshinchi raundda texnik nokaut bilan mag'lub etdi.
Turnirning boshqa janglari:
Aleksandr Volkov (40-11) Valdo Kortes-Akostani (17-3) hakamlarning yakdil qarori bilan mag'lub etdi (30-27, 29-28 — ikki marta);
Shon Bredi (19-2) Xoakin Baklini (21-8) hakamlar qarori bilan yengdi (30-25 — ikki marta, 30-27);
King Grin (35-17-1) Jeremi Stivensni (28-21) birinchi raundda bo'g'ish usuli orqali mag'lub qildi;
Joel Alvares (23-4) Yaroslav Amosovga (30-1) ikkinchi raundda bo'g'ish usuli bilan yutqazdi;
Roman Kopilov (15-5) Marko Tulioni (14-3) hakamlarning yakdil qarori evaziga taslim etdi (29-28 — uch marta);
Baysangur Susurkaev (12-0) Jorden Santosni (11-3) uchinchi raundda bo'g'ish usuli bilan mag'lub qildi.
