Keyrush Bellinghem bilan ziddiyat haqida: «Futbol smoking kiyib, raqsga tushadiganlar uchun emas»

Gana milliy jamoasi bosh murabbiyi Karlush Keyrush futbol boʻyicha Jahon chempionati 2-turidan oʻrin olgan Angliyaga (0:0) qarshi oʻyinda Jud Bellinghem bilan yuzaga kelgan mojaro haqida fikr bildirdi.

Ziddiyat ikkinchi boʻlim oxirida angliyalik futbolchining Gana himoyachisi Jeremi Opokuga qarshi ishlatgan qoʻpol harakati boʻyicha portugaliyalik mutaxassis bergan tanbehdan keyin boshlangan.

«U haqoratli soʻzlar ishlatib, notoʻgʻri munosabat bildirdi. Shuning uchun bu voqea boshlandi.

Men unga podkatdan keyin tinchlanishni aytmoqchi edim. Bu ikkinchi sariq yoki hatto qizil kartochkaga ham sabab boʻlishi mumkin edi, chunki u mening futbolchimning oyogʻiga tepdi.

Bu shunchaki emosional holat edi. U hayot kitobida boʻlmasligi lozim bir soʻzni aytdi. Bu vaziyatni yanada keskinlashtirgan boʻlishi mumkin. Ammo biz professionallar sifatida darhol oʻzimizni toʻxtatdik. Futbol smoking kiyib raqsga tushadiganlar uchun emas, balki jasur insonlar uchun», — dedi Keyrush.

JCh–2026 guruh bosqichining soʻnggi turida Angliya (4) 28 iyun kuni Panamaga (0) qarshi maydonga tushadi. Gana (4) esa Xorvatiya (3) bilan bahs olib boradi.