Францияликнинг ҳозирда Испанияда эканлигини ижтимоий тармоқлардаги видео ҳам тасдиқламоқда.
Бироқ унинг ташрифидан мақсад қандайлиги ҳозирча номаълум. ОАВда Зидан учинчи бор «Реал» бошқарувини ўз қўлига олиши мумкинлиги ҳақида миш-мишлар тарқалган эди.
Эслатиб ўтамиз, Зинедин Зидан 2016 — 2018 ва 2019 — 2021 йиллар давомида «Реал»да ишлаган. Франциялик бошчилигида «қаймоқранглилар» уч бор Чемпионлар Лигаси бош совринини қўлга киритган, шу билан бирга икки мартадан Испания чемпионати, мамлакат Суперкубоги, УЕФА Суперкубоги ва клублар ўртасидаги ЖЧда зафар қучган.
