«Катта дубулға» туркумидаги турнирларнинг беш карра чемпиони, дунёнинг биринчи ракеткаси, италиялик теннисчи Янник Синнер Forbes журналининг йилнинг энг юқори ҳақ олувчи теннисчилари рўйхатида пешқадамлик қилмоқда. Журнал ҳисоб-китобларига кўра, у қарийб 58 миллион доллар ишлаб топган, шундан 23 миллион доллари соврин жамғармасига тўғри келади.
Рўйхатнинг кучли учлигидан, шунингдек, 53,7 миллион доллар (15,7 миллион доллари соврин) билан испаниялик Карлос Алкарас ва 40,1 миллион доллар (0,1 миллион доллари соврин) билан америкалик Серена Уилямс ҳам ўрин олган.
Таъкидлаш жоизки, россиялик теннисчилар бу кўрсаткич бўйича ТОП-10га ҳам кира олмаган.
Forbes журнали талқинига кўра, 2026 йилнинг энг кўп ҳақ олувчи 10 нафар теннисчиси:
1. Янник Синнер (Италия) – 58 млн доллар (23 млн доллари кортдаги соврин);
2. Карлос Алкарас (Испания) – 53,7 млн доллар (15,7 млн доллар);
3. Серена Уилямс (АҚШ) – 40,1 млн доллар (0,1 млн доллар);
4. Арина Соболенко (Беларус) – 36,1 млн доллар (13,1 млн доллар);
5. Кори Гауфф (АҚШ) – 35,5 млн доллар (7,5 млн доллар);
6. Новак Жокович (Сербия) – 30,2 млн доллар (5,2 млн доллар);
7. Чжен Синвен (Хитой) – 22,6 млн доллар (0,6 млн доллар);
8. Ига Швёнтек (Полша) – 20,5 млн доллар (5,5 млн доллар);
9. Александр Зверев (Германия) – $ 18,7 млн (13,7 млн доллар);
10. Елена Рибакина (Қозоғистон) – $ 17,4 млн (11,4 млн доллар).
